▪️ Hainbat eta hainbat forma berri arautu ditu Euskaltzaindiak.
▪️ Arau berriekin eguneratu dugu IDITE lexiko-egiaztatzaile profesionala ere.
2019-01-16an argitaratua
Joan den ostiralean ohar baten bidez iragarri zuen Euskaltzaindiak hainbat eta hainbat aldaketa egin dituela bere hiztegian. Zerrenda luzea da eta, besteak beste, sarrera berriak gehitu ditu Akademiak («prekaritate», «galvanizatu» eta «goi-indize», esaterako). Horiekin batera, «rock urbano», «merkatuko nitxo», «produkzio-etxe» bezalako azpisarrerak ere sartu ditu, bai eta lehendik jasota zeuden sarrera batzuk osatu edo moldatu.
Urtean bitan sareratzen du Euskaltzaindiak Euskaltzaindiaren Hiztegian egiten dituen berrikuntzen zerrenda. Aldaketa horiek guztiek arau-maila dute, eta euskara batuan txukun idatzi nahi izanez gero bete beharrekoak dira, noski. Horrela, hemendik aurrera «dirulaguntza» idatzi behar genuke Akademiaren arabera, ez «diru-laguntza», orain arte egin ohi genuen bezala.
Badakigu zuretzat ere ez dela erraza aldaketa horiek guztiak gogoan hartzea, eta horregatik saiatzen gara ahalik eta azkarren eguneratzen UZEIk lexikoa egiaztatzeko eta zuzentzeko garatu dituen tresnak.
Oraingoan ere, lehenbailehen eguneratu dugu Hobelex zuzentzailea. Doakoa da, eta hemendik deskarga dezakezu ondoen egokitzen zaizun bertsioa: ➡️ Microsoft Worderako bertsioa edo ➡️ LibreOfficerakoa.
➡️ Online bertsioa ere erabil dezakezu edozein gailutik.
Gainera, erabilera profesionalerako garatu dugun lexiko-egiaztatzailea ere, IDITE izenekoa, aldaketa horiekin eguneratua erabiltzen dute dagoeneko gure bezeroek, horien artean Berria egunkariak.
